بین اسٹوکس کی کپتانی خطرے میں، نائٹ کلب واقعے پر ای سی بی کی تحقیقات

اسلام آباد(پاکستانی نیوزڈیسک)انگلینڈ کرکٹ ٹیم کے کپتان Ben Stokes اور فاسٹ بولر Gus Atkinson کے ایک نائٹ کلب واقعے کے بعد ٹیم قیادت میں تبدیلی کا امکان ظاہر کیا جا رہا ہے۔

میڈیا رپورٹس کے مطابق England and Wales Cricket Board نے واقعے کی باضابطہ تحقیقات شروع کر دی ہیں۔ اس دوران یہ بھی سامنے آیا ہے کہ نیوزی لینڈ کے خلاف دوسرے ٹیسٹ میں ممکنہ طور پر ہیری بروک کو کپتانی دی جا سکتی ہے۔

رپورٹس میں دعویٰ کیا گیا ہے کہ نائٹ کلب میں کرکٹرز کا ایک رگبی کھلاڑی کے ساتھ جھگڑا ہوا، جس میں مبینہ طور پر رگبی کھلاڑی نے ایک فاسٹ بولر کو مکا مارا جبکہ ای سی بی کا سیکیورٹی اہلکار بھی زخمی ہوا۔ تاہم کرکٹرز کسی بڑی انجری سے محفوظ رہے۔

ای سی بی کے مطابق کھلاڑیوں نے ادارے کے نئے پروٹوکولز کی خلاف ورزی کی، جس پر ممکنہ تادیبی کارروائی زیر غور ہے۔ دوسری جانب یہ بھی کہا گیا ہے کہ واقعے میں پولیس شامل نہیں ہوئی اور ابتدائی معلومات کے مطابق کھلاڑیوں کی جانب سے جارحانہ رویہ ثابت نہیں ہوا۔

تحقیقات مکمل ہونے کے بعد ہی کپتانی یا ممکنہ سزاؤں سے متعلق حتمی فیصلہ کیا جائے گا۔