پاکستان میں آلودہ پانی کی وجہ سے گردوں کے امراض تیزی سے سنگین صورت اختیار کر رہے ہیں:پی ایم اے

کراچی پاکستان میں گردوں کے امراض کا بحران تیزی سے سنگین صورت اختیار کر رہا ہے اور اس کی بڑی وجہ آلودہ پانی کا استعمال بتایا جا رہا ہے۔ 

ڈان نیوز میں شائع صحافی فائزہ الیاس کی رپورٹ کے مطابق رواں سال ملک میں تقریباً 25 ہزار سے 50 ہزار نئے مریض ایسے سامنے آئیں گے جو گردوں کے آخری مرحلے کی بیماری میں مبتلا ہوں گے اور انہیں ڈائیلاسس یا گردے کی پیوندکاری کی ضرورت پڑے گی۔