رونالڈو کا ورلڈ کپ جیتنے کا خواب ادھورا، پرتگال اسپین سے شکست کے بعد ایونٹ سے باہر

اسلام آباد(پاکستانی نیوزڈیسک)فٹبال کے عالمی ستارے کرسٹیانو رونالڈو کا ورلڈ کپ جیتنے کا خواب ایک بار پھر ادھورا رہ گیا۔ پری کوارٹر فائنل میں پرتگال کو اسپین کے ہاتھوں ایک کے مقابلے میں صفر سے شکست کا سامنا کرنا پڑا۔

کرسٹیانو رونالڈو اپنے کیریئر کے چھٹے اور آخری ورلڈ کپ میں شریک ہوئے، تاہم ناک آؤٹ مرحلے میں شکست کے بعد وہ جذبات پر قابو نہ رکھ سکے اور آنسوؤں کے ساتھ عالمی کپ کو الوداع کہا۔

میچ کا واحد اور فیصلہ کن گول اسپین کے مائیکل مرینو نے 91ویں منٹ میں اسکور کیا، جس کی بدولت اسپین نے کوارٹر فائنل میں جگہ بنا لی۔

پرتگال کے کوچ روبرٹو مارٹینز نے رونالڈو کو فٹبال کی تاریخ کا عظیم کھلاڑی قرار دیتے ہوئے کہا کہ پوری قوم ان کی قیادت، عزم اور ورلڈ کپ جیتنے کی بھرپور کوشش کو ہمیشہ یاد رکھے گی۔

رونالڈو نے اپنے ورلڈ کپ کیریئر میں 27 میچز کھیل کر 11 گول اسکور کیے۔ ناک آؤٹ مرحلے میں ان کا واحد گول رواں ٹورنامنٹ میں آیا، جس کی بدولت پرتگال نے کروشیا کو شکست دے کر پری کوارٹر فائنل تک رسائی حاصل کی تھی۔

اسپین کے کوچ نے بھی رونالڈو کو خراجِ تحسین پیش کرتے ہوئے کہا کہ وہ فٹبال کے عظیم ترین کھلاڑیوں میں شمار ہوتے ہیں اور نوجوانوں کے لیے ایک مثالی کردار ہیں۔