ترک اداکارہ ایجے ارتیم 35 برس کی عمر میں انتقال کر گئیں

اسلام آباد(پاکستانی نیوزڈیسک)معروف ترک ٹیلی وژن اداکارہ Ece Ertem 35 سال کی عمر میں انتقال کر گئی ہیں۔ ان کے وکیل Uğur Gökçüyon کے مطابق اداکارہ کو اپنے گھر میں بے ہوشی کی حالت میں پایا گیا، جہاں وہ اپنی والدہ کے ساتھ مقیم تھیں۔

وکیل کے مطابق فوری طبی امداد فراہم کی گئی، تاہم ڈاکٹروں کی کوششوں کے باوجود ان کی جان نہ بچائی جا سکی۔ ابتدائی طبی رپورٹس میں موت کی ممکنہ وجہ دل کا دورہ قرار دی گئی ہے، جبکہ حتمی وجہ کا تعین پوسٹ مارٹم رپورٹ آنے کے بعد کیا جائے گا۔

اوغور گوککویون نے سوشل میڈیا پر گردش کرنے والی خودکشی سے متعلق خبروں اور قیاس آرائیوں کو سختی سے مسترد کرتے ہوئے کہا کہ اس حوالے سے پھیلائی جانے والی معلومات بے بنیاد ہیں۔

ایجے ارتیم 14 جون 1991 کو Sivas میں پیدا ہوئیں۔ انہوں نے Yaşar University کے اوپیرا اینڈ ووکل پرفارمنس ڈیپارٹمنٹ سے 2014 میں گریجویشن کیا، جبکہ بعد ازاں Sadri Alışık Cultural Center سے اداکاری کی باقاعدہ تربیت حاصل کی اور ترک ڈرامہ انڈسٹری میں اپنی شناخت بنائی۔