مائیک ہیسن نے اسپن وکٹوں پر تنقید مسترد کر دی

اسلام آباد(پاکستانی نیوزڈیسک)پاکستان کرکٹ ٹیم کے وائٹ بال ہیڈ کوچ Mike Hesson نے آسٹریلیا کے خلاف ہوم سیریز میں اسپن کے لیے سازگار وکٹوں کے استعمال پر ہونے والی تنقید کو مسترد کرتے ہوئے کہا ہے کہ یہ وکٹیں مستقبل کے بڑے ایونٹس کی تیاری میں بھی مددگار ثابت ہو سکتی ہیں۔

اسپن وکٹوں پر اٹھنے والے سوالات کے جواب میں مائیک ہیسن کا کہنا تھا کہ یہ تاثر درست نہیں کہ آئندہ ورلڈ کپ میں صرف تیز اور باؤنس والی وکٹوں پر ہی کرکٹ کھیلی جائے گی۔

پہلے میچ کے بعد بعض کرکٹ ماہرین اور مبصرین نے رائے دی تھی کہ جنوبی افریقا میں ہونے والے آئندہ ورلڈ کپ کی تیاری کے لیے پاکستان کو فاسٹ اور باؤنس والی وکٹوں پر زیادہ کھیلنا چاہیے، تاہم ہیسن نے اس مؤقف سے اختلاف کیا۔

انہوں نے کہا کہ جنوبی افریقا کی تمام وکٹوں کو یکساں طور پر تیز اور باؤنس والی قرار دینا حقیقت کے برعکس ہے۔ ان کے مطابق گزشتہ چند دنوں سے وہ یہ بحث سن رہے ہیں کہ پاکستان میں تیار کی جانے والی وکٹیں ورلڈ کپ کی مناسب تیاری نہیں ہیں، لیکن زمینی حقائق اس سے مختلف ہیں۔
مائیک ہیسن نے مزید کہا کہ 2027 Cricket World Cup صرف South Africa میں نہیں بلکہ Zimbabwe اور Namibia میں بھی کھیلا جائے گا، جہاں اسپن بولنگ اہم کردار ادا کر سکتی ہے اور پاکستان کو وہاں بھی میچز کھیلنے ہوں گے۔

انہوں نے اس بات پر زور دیا کہ ٹیم کی تیاری مختلف کنڈیشنز کو مدنظر رکھ کر کی جا رہی ہے تاکہ کھلاڑی ہر طرح کی وکٹوں پر مؤثر کارکردگی دکھا سکیں۔