سعودی عرب میں 3 میزائل اور 2 ڈرون تباہ، ملبہ گرنے سے 4 افراد زخمی

اسلام آباد(پاکستانی نیوزڈیسک)ریاض (نیوز ڈیسک): سعودی اتحادی فوج کے مطابق سعودی دارالحکومت ریاض اور جنوبی علاقوں میں 3 میزائلوں اور 2 ڈرونز کو فضا میں روک کر تباہ کردیا گیا، جبکہ ریاض میں میزائلوں کا ملبہ گرنے سے 4 افراد زخمی اور 15 مکانات کو معمولی نقصان پہنچا۔

سعودی اتحادی فوج نے اپنے بیان میں کہا کہ ریاض صوبے کے وادی الدواسر اور السلیل گورنریٹس میں خطرہ ٹل گیا ہے۔ حکام کے مطابق حوثی ملیشیا کی جانب سے سعودی شہر ظہران پر میزائل حملے کی کوشش بھی ناکام بنادی گئی۔

دوسری جانب حکام کا کہنا ہے کہ یمن کے شہر تعز میں یمنی فوج نے حوثی تنظیم انصار اللہ کے اہداف پر 9 حملے کیے۔

خطے میں جاری کشیدگی کے تناظر میں سعودی عرب کی جانب آنے والے میزائلوں اور ڈرونز کو روکنے کی کارروائیاں سکیورٹی صورتحال کی اہمیت کو اجاگر کرتی ہیں۔