پاکستان اور بھارت ویمنز ٹیمیں آج مدمقابل، فاطمہ ثنا فٹ قرار

اسلام آباد(پاکستانی نیوزڈیسک)ICC Women’s T20 World Cup میں پاکستان اور بھارت کی ویمنز ٹیموں کے درمیان اہم اور سنسنی خیز مقابلہ آج کھیلا جائے گا۔ Fatima Sana کی قیادت میں گرین شرٹس پُراعتماد انداز میں میدان میں اترنے کے لیے تیار ہیں۔

میچ Edgbaston، Birmingham میں کھیلا جائے گا، جہاں بڑی جنوبی ایشیائی کمیونٹی کی موجودگی کے باعث اسٹیڈیم میں جوش و خروش سے بھرپور ماحول متوقع ہے۔

پاکستانی ٹیم کو اسپنر Sadia Iqbal اور تجربہ کار آل راؤنڈر Nida Dar سے عمدہ کارکردگی کی امید ہے، جبکہ روایتی حریف بھارت کے خلاف کامیابی کے لیے ٹیم اپنی بہترین حکمت عملی کے ساتھ میدان میں اترے گی۔

دریں اثنا، کپتان فاطمہ ثنا گزشتہ روز نیٹ پریکٹس کے دوران معمولی انجری کا شکار ہو گئی تھیں۔ پریکٹس سیشن میں Ayesha Zafar کے سیدھے شاٹ پر فالو تھرو کے دوران گیند ان کے دائیں گھٹنے پر لگی تھی۔

تاہم فاطمہ ثنا نے انجری کو معمولی قرار دیتے ہوئے کہا ہے کہ وہ اب بہتر محسوس کر رہی ہیں اور میچ کے لیے دستیاب ہیں، جس سے پاکستانی ٹیم اور شائقین نے اطمینان کا اظہار کیا ہے۔