"محسن نقوی کا منیٰ میں پاکستانی حجاج کے کیمپ کا دورہ، انتظامات پر اطمینان کا اظہار

اسلام آباد(پاکستانی نیوزڈیسک)محسن نقوی نے منیٰ میں پاکستانی حجاج کرام کے کیمپس کا دورہ کیا، جہاں انہوں نے رہائش، کھانے پینے اور دیگر سہولتوں کا جائزہ لیا۔ اس موقع پر انہوں نے بزرگ حجاج سے ملاقات کی اور 100 سالہ بزرگ حاجی کی ہمت کو سراہا۔

وزیرداخلہ نے کہا کہ ہر پاکستانی حاجی ہمارے لیے اہم ہے اور ان کے مسائل کے حل کے لیے عملہ ہر وقت موجود ہے۔ انہوں نے سردار محمد یوسف اور ان کی ٹیم کی کارکردگی کی تعریف بھی کی۔

محسن نقوی نے سعودی حکومت کی جانب سے پاکستان میں امیگریشن سہولت فراہم کرنے پر شکریہ ادا کرتے ہوئے محمد بن سلمان اور سعودی وزارتِ حج کی کوششوں کو سراہا۔