متنازع ہاتھ کے اشارے پر تحقیقات مکمل، فیفا نے وی اے آر آفیشل شان ایونز کو کلیئر قرار دے دیا

اسلام آباد(پاکستانی نیوزڈیسک)FIFA نے متنازع ہاتھ کے اشارے کے معاملے میں ویڈیو اسسٹنٹ ریفری Shaun Evans کو تحقیقات کے بعد کلین چٹ دے دی ہے۔

برطانوی میڈیا رپورٹس کے مطابق جرمنی اور Curaçao کے درمیان میچ سے قبل عالمی نشریات میں Dallas میں قائم وی اے آر حب کی تصاویر دکھائی گئیں، جن میں آسٹریلوی آفیشل شان ایونز ایک الٹے "او کے” طرز کے ہاتھ کے اشارے کے ساتھ نظر آئے۔

یہ تصاویر سوشل میڈیا پر وائرل ہونے کے بعد بعض صارفین نے اس اشارے کو سفید فام بالادستی سے منسلک علامت قرار دیا، جس کے نتیجے میں معاملے پر وسیع بحث شروع ہوگئی اور فیفا نے تحقیقات کا آغاز کیا۔

تحقیقات کے بعد فیفا نے نتیجہ اخذ کیا کہ ڈسپلنری کوڈ کی کسی بھی خلاف ورزی کا کوئی ثبوت موجود نہیں، لہٰذا شان ایونز کے خلاف کسی کارروائی کی ضرورت نہیں ہے۔

شان ایونز نے وضاحت کرتے ہوئے کہا کہ مذکورہ حرکت غیر ارادی اور لاشعوری تھی اور انہیں خود بھی اس کا احساس نہیں تھا۔ ان کے مطابق میچ کے دوران بنائی گئی دیگر ویڈیوز سے بھی واضح ہوتا ہے کہ وہ قلم پکڑتے وقت بار بار اسی نوعیت کی حرکات کرتے رہے تھے۔

38 سالہ آفیشل نے کہا کہ ورلڈ کپ جیسے عالمی ٹورنامنٹ میں خدمات انجام دینا ان کے کیریئر کا سب سے بڑا اعزاز ہے اور وہ باقی میچز میں بھی اپنے ساتھی ریفریز کی معاونت جاری رکھیں گے۔ تحقیقات مکمل ہونے کے بعد وہ آئندہ میچز کے لیے دستیاب رہیں گے۔